Mga tampok na kwento noong Hulyo 2012
Mga kwento noong Hulyo, 2012
Puerto Rico: 365 Na Mga Litrato
Pawang sa mga kaibigan lang ibinahagi ni José Rodrigo Madera ang mga litrato sa Facebook, bilang bahagi ng kanyang proyektong "365", hanggang sa mapansin ito ng magasing Revista Cruce at inilathala ang 20 sa mga ito. Narito ang piling larawan mula sa koleksyon ng kanyang magagandang litrato.
Deklarasyon ng Kalayaan ng Internet
Kamakailan nagsama-sama ang ilang pangkat at binuo ang Deklarasyon ng Kalayaan ng Internet. Sa kasalukuyan, higit sa 1300 mga organisasyon at kompanya ang lumagda sa nasabing kasunduan at patuloy na nadadagdagan ang bilang ng mga lumalahok.
Puerto Rico: Pagtutol sa Pagpapacaesarean nang Hindi Kailangan, Ikinampanya sa Internet
Unnecessary Caesarean (Hindi Kailangan ng Caesarean) ang tawag sa kampanyang inilunsad sa Puerto Rico noong Marso. Hangad ng proyekto na bumaba ang lumulobong bilang ng mga nanganganak sa pamamagitan ng caesarean: karamihan sa mga C-section ng bansa ay hindi tumutugma sa mga tunay na pangangailangang medikal.
Espanya: Sining, Kasabay na Sumibol sa Pandaigdigang Kilusan
Muling umusbong ang sining sa kilusang 15M. Upang ipagdiwang ang unang anibersaryo ng 15M, ang mga kaganapan ng 12M--15M, at nang mahikayat ang lahat na dumalo at muling lumahok sa mga aktibidades sa lansangan, ibinahagi ng blog na # Acampadasol ang mga kahanga-hangang paskil at patalastas na ipinagmamalaki ang tunay na damdamin ng kilos-protesta.
Puerto Rico: “Revuelo,” Isang Kaaya-ayang Pagkaligalig
"Revuelo" (Ligalig) ang tawag sa kabigha-bighaning proyektong pangsining at arkitektura sa Pambansang Galeriya sa Lumang San Juan. Ibinahagi ng litratista at arkitektong si Raquel Pérez-Puig dito sa Global Voices ang ilang magagandang litrato ng naturang sining.
Uganda: Nodding Disease, Hadlang sa Kinabukasan ng mga Kabataan
Hatid ni James Propa ang mga litrato at bidyo sa YouTube ng kalagayan ng mga biktima ng nodding disease sa bansang Uganda. Ang nodding disease ay isang sakit na nakakapinsala sa utak at katawan na madalas nakikita sa mga bata. Matatagpuan ang karamdamang ito sa ilang bahagi ng Timog Sudan, Tanzania at hilagang Uganda.
Russia: Mga Pamamaraan sa Internet upang Makatulong sa mga Sinalanta ng Baha
Sa rehiyon ng Kuban sa bansang Russia, 640 kabahayan ang winasak ng matinding pagbaha, samantalang mahigit 5,000 naman ang nakalubog sa tubig-baha. Ayon sa datos ng Crisis Center ng Ministry of Internal Affairs ng Russia, umabot na sa 150 katao ang bilang ng mga nasawi batay sa tala noong Hulyo 8.
Ehipto: Huling Yugto ng Halalan sa Pagkapangulo, Ibinida sa mga Litrato
Idinaos ng mga mamamayan ng bansang Egypt ang pangalawang salang ng halalan sa pagkapangulo, sa kabila ng mga hakbang ng pamunuang Supreme Council for the Armed Forces (SCAF) na manatili sa pinanghahawakang puwesto. Ibinahagi ni Ammoun ang mga litratong kuha ng mga netizen sa makasaysayang araw ng eleksyon.
Estados Unidos: “Shooting Blind” – Ang Pagtingin Gamit ang Naiibang Mata
Isang pangkat ng mga litratistang may kapansanan sa paningin ang nagtitipon-tipon sa Manhattan, New York kada Martes; sila ang Seeing with Photography Collective. Narito ang ilan sa mga kamangha-manghang larawang kuha ng mga kasapi ng grupo.
Myanmar: Netizens Ipagdiwang ang Kaarawan Ni Aung San Suu Kyi
Gamit ang internet, ipinadala ng mga netizen ng Myanmar ang kanilang pagbati sa kaarawan ni Aung San Suu Kyi, ang lider ng oposisyon, na kasalukuyang bumisita sa Europa sa unang pagkakataon sa loob ng dalawang dekada. Ipinagtaka ng mga netizen kung bakit hindi ibinalita ng midya na kontrolado ng gobyerno ang talumpati ni Suu Kyi sa kanyang Nobel Peace Prize lecture doon.
Chile: Mga Taong Lansangan sa Santiago
Sa lungsod ng Santiago, Chile, at maging sa ibang siyudad sa ibang bansa, lubos na mapanganib ang panahon ng taglamig para sa taong lansangan. Sa pamamagitan ng mga litrato, isinalarawan ni Alejandro Rustom bilang kontribusyon sa Demotix ang tunay na kalagayan ng mga taong walang matuluyan sa kabisera ng Chile, at ipinakita ang kabutihang-loob ng ilang nagmamalasakit sa kanila.
Ehipto: Pagtutol sa Pambabastos, Idinaan sa Protesta
Buhat nang sumiklab ang rebolusyon sa bansang Egypt, dumarami ang mga nananawagan sa paggalang ng mga karapatang pantao, kabilang na ang karapatan ng mga kababaihan. Mula sa mga litrato masasaksihan natin ang isang protestang ginanap kamakailan sa siyudad ng Cairo laban sa pambabastos.
Timog Korea: Nakakagulat na Desisyon ng Korte sa Reklamo ng Pambabastos, Pinagpiyestahan sa Internet
Naging tampulan sa Twitter ng samu't saring biro at puna ang desisyon ng lokal na hukuman tungkol sa isang reklamo ng pambabastos sa Timog Korea.
Blogging Positively, Gabay sa Malayang Pagtalakay Tungkol sa HIV/AIDS
Ipinagmamalaki naming ihandog ang "Blogging Positively", isang koleksyon ng mga panayam at halimbawa ng citizen media patungkol sa HIV/AIDS. Tampok dito ang mga pangunahing tagapagtaguyod ng mga HIV/AIDS blogs at mga proyektong citizen media na nagsisikap ipalaganap ang kamalayan tungkol sa dumadaming bilang ng mga nagkakaroon ng sakit na ito. Ang gabay na ito ay para sa mga guro at sa mga nagsasagawa ng pagsasanay. Naglalaman din ito ng ilang mahahalagang sanggunian para sa mga nais magsimula ng kani-kanilang blog.
Uganda: Pagbasag ng Katahimikan, Panawagan sa Karapatang Pangkalusugan
Isang bidyo ang inilabas sa internet kamakailan ng grupong Results for Development, isang organisasyong non-profit na naglalayong masolusyunan ang mga suliranin sa pandaigdigang kaunlaran, kung saan hinihimok nito ang mga Ugandan na basagin ang katahimikan at angkinin ang kanilang mga karapatang pangkalusugan.
