Mga kwento tungkol sa Literature

Ehipto: Makasaysayang Pamilihan ng mga Aklat, Sinalakay ng Pulisya

  22 Setyembre 2012

Madaling araw ng ika-7 ng Setyembre nang mabalitaan ng mga taga-Egypt ang ginawang pagsalakay sa mga tindahan ng mga libro sa Kalye Prophet Daniel sa lungsod ng Alexandria. Maraming nagsasabing kagagawan ito ng mga taga-Ministeryo ng Interyor. Bumuhos naman ang poot ng mga netizen sa Muslim Brotherhood, na inaakusahang unti-unting sumisira sa yamang-kultura ng bansa.

Tunisia: Mga Mambabasa ng Aklat Susugod sa Lansangan!

Matapos ang ilang linggo ng demonstrasyon sa Tunis, isang bagong uri ng pagkilos ang binubuo ngayon, na tinatawag nilang "L'avenue ta9ra", o "Nagbabasa ang lansangan". Binabalak ng mga taga-Tunisia na dalhin ang kani-kanilang libro sa Kalye Habib Bourguiba, ang pinakamahalagang lansangan sa kasaysayan ng kabisera, upang magbasa ng sama-sama.

Tsina: Ang Unang Nobelang Tsino sa Twitter?

  17 Marso 2010

Inilahad ng isang dating guro at dating prokurator na ngayon ay isa nang tanyag na blogger at komentaristang pulitikal sa Tsina na Lian Yue sa kanyang blog na siya ay nagpasimula ng isang nobela, na pinamagatang 2020 sa Twitter ngayong buwan. Ayon sa kanyang blog, magtatagal ang nasabing nobela hanggang sa taong 2020.