Mga kwento tungkol sa East Asia
Pilipinas: Dahil sa Mga Litratong Naka-bikini sa Facebook, Mga Estudyante Hindi Nakadalo sa Pagtatapos
Inulan ng batikos ang isang Katolikong paaralang eksklusibo para sa mga kababaihan sa lalawigan ng Cebu at pinapangasiwaan ng mga madre, matapos nitong pagbawalan ang limang estudyante na makadalo sa kanilang pagtatapos ng hayskul. Ito'y matapos mapag-alaman ng paaralan ang tungkol sa mga litrato ng mga dalaga sa Facebook na kuha habang naka-bikini ang mga ito.
Tsina: Papaunlad at Lumalaki Subalit Nakakulong
Nakapalibot sa bansang Tsina ang 85% ng lahat ng political hotspot sa buong mundo, ayon sa isang tanyag na propesor, at kailangan nitong maging malaya upang mabigyang tugon ang mga hamong pampulitika sanhi ng katangi-tanging heograpiya nito, simula sa mga dagat na katabi nito.
Malaysia: Mga Protestang Bersih Sa Iba't Ibang Bahagi ng Mundo
Kasabay ng mga protestang Bersih sa siyudad ng Kuala Lumpur noong isang linggo, ilang katulad na pagtitipon ang inorganisa ng mga Malaysian sa ibayong dagat. Layon ng mga protestang ginanap sa iba't ibang bansa na paigtingin ang panawagan sa mas demokratikong paraan ng halalan sa bansang Malaysia.
Hong Kong: Lady Gaga Nililigaw ng Landas ang Kabataan, Ayon sa Ilang Evangelist
Nililibot ngayon ng sikat na mang-aawit na si Lady Gaga ang iba't ibang bahagi ng Asya para sa kanyang 'Born this Way Ball'. Ngunit sa bisperas ng kanyang unang pagtatanghal sa Hong Kong, sumiklab ang matinding pagtatalo dahil sa pangangampanya ng isang pangkat ng mga evangelist laban sa pagpunta ng naturang artista sa lugar. May ilang Kristiyanong tumututol habang ilan naman ang sumasang-ayon at nagsasabing nalalason ang isipan ng mga kabataan dahil sa kanyang pagbisita sa siyudad.
Bidyo: Mga Ina Mula sa Iba't Ibang Bansa Nagbahagi ng Kani-Kanilang Karanasan
Sa Pandaigdigang Museo ng Kababaihan, kasalukuyang tampok sa kanilang website ang pagiging ina. Binigyang mukha ng eksibit na MAMA: Pagiging Ina sa Iba't Ibang Bahagi ng Mundo ang samu't saring aspeto ng pagiging ina, sa pamamagitan ng pakikipanayam sa mga kababaihan mula Nigeria, Kenya, Afghanistan, Estados Unidos, Colombia, Hungary, Tsina at Norway.
Tsina: Pagpigil at pagbura sa mga kumakalat na “tsismis”
Patuloy ang pagsupil ng bansang Tsina ayon sa kanilang propaganda laban sa mga kumakalat na "tsismis" sa social media. Subalit marami ang naniniwalang magwawagi pa rin sa online na digmaang ito ang mga ordinaryong mamamayan sa bandang huli. Sa kabilang banda, nilathala ng peryodikong People's Daily ang artikulo tungkol sa "pinsala sa mga mamamayan at lipunan na dinudulot ng mga tsismis na nanggaling sa Internet. Hindi dapat pinapaniwalaan o kinakalat ng publiko ang mga ganitong tsismis."
Bidyo: Pagpatay sa Mga Kababaihan at Sanggol sa Sinapupunan sa Indiya at Tsina
Sa mga bansang Indiya at Tsina, 200 milyong kababaihan ang iniuulat na "nawawala" dahil sa kaugaliang pagpapalaglag ng mga babaeng sanggol sa loob ng sinapupunan, samantalang pinapatay o iniiwan naman ang mga batang babae. Narito ang ilang dokyumentaryo at pag-uulat tungkol sa ganitong uri ng paghamak sa kasarian na kumikitil ng maraming buhay, at tungkol sa mga pagsisikap na bigyang lunas ang suliraning ito.
Taas-Presyo sa Langis Iprinotesta sa Ilang Bayan sa Indonesia
Binaha ng kilos protesta ang mga lansangan ng ilang siyudad sa bansang Indonesia sa mga nakalipas na linggo bunsod ng pagtataas ng presyo ng petrolyo. Pinagdebatihan naman ng mga netizen kung nararapat ba ang pagtataas ng presyo nito. Dumagsa sa microblogging site na Twitter ang mga tao upang iulat ang salpukan sa pagitan ng kapulisan at mga estudyante sa siyudad ng Jakarta.
Tsina: Sinubukan ang “Kill Switch” ng World Wide Web?
Naging intranet ang internet ng Tsina sa loob ng 2 oras noong ika-12 ng Abril. Hindi mapasok ng mga taga-Tsina ang World Wide Web at pinutol ang koneksyon sa lahat ng mga social networking site at email na galing sa ibang bansa. Naniniwala ang mga netizen na hudyat ito ng ipapatupad na web censor na "Kill Switch".
Mga Pananaw sa Pumalyang Pagpapalipad ng Rocket ng Hilagang Korea
Naglunsad ng rocket ang Hilagang Korea noong ika-12 ng Abril, sa kabila ng patong-patong na babala ng paghihigpit ng ibang bansa. Ngunit laking kahihiyan nang magkapira-piraso ang rocket matapos itong lumipad at bumagsak sa dagat. Sumiklab sa Internet sa Timog Korea ang samu't saring pagtatalo tungkol sa pangyayaring ito.
Pagkanta ng Pambansang Awit sa Sariling Wika (Ikalawang Bahagi)
Sa aming pangalawang ulat, tampok ang mga bidyong gawa ng mga mamamayan na itinatanghal ang kani-kanilang pambansang awit na isinalin-wika sa mga wikang katutubo o malimit gamitin, at napag-alaman namin na ipinagbabawal ng mga batas sa maraming bansa na kantahin ang pambansang awit maliban sa anyo ng pambansang wika. Subalit hindi ito nakapag-patinag sa ilang ordinaryong sibilyan na gumamit ng tinaguriang media ng mamamayan upang kantahin ang kanilang pambansang awit sa sariling wika.
Isang Araw sa Earth: Pandaigdigang Music Video na Tulong-tulong na Binuo, Ipinalabas
Ipinalabas ang isang bagong music video bilang paghahanda sa pandaigdigang pagpapalabas ng pelikulang One Day on Earth ["Isang Araw sa Earth"], na gaganapin sa iba't ibang lokasyon kasabay ng Earth Day (ika-22 ng Abril, 2012). Tampok sa music video ang mga musikero, makata, at mananayaw na kuha ng bidyo sa loob ng iisang araw, noong ika-10 ng Oktubre 2010, at malikhaing inedit at niremix ni Cut Chemist.
Bidyo: Patimpalak na Firefox Flicks sa Paggawa ng Bidyo
Ang pandaigdigang patimpalak na Firefox Flicks ay magbibigay gantimpala sa mga maiikling pelikulang magtuturo sa mga gumagamit ng web browser tungkol sa isyu gaya ng privacy, choice, interoperability, at oportunidad, at kung papaano ito tinutugan ng tatak Firefox.
Myanmar: Pagbabalik-Tanaw sa Naging Resulta ng Halalan
Nagdiwang sa lansangan ang mga botante ng Myanmar habang sa Facebook ipinakita ng mga netizen ang kanilang tuwa sa ginanap na by-election na nagresulta sa isang landslide na pagkapanalo ng oposisyon. Nagbunyi ang buong mundo sa naging tagumpay ng simbolo ng demokrasya na si Aung San Suu Kyi, ngunit para sa maraming kabataang botante ng Myanmar isa pang dahilan ng pagdiriwang ay ang pagkapanalo ng isa sa mga nagpasimula ng hip-hop music sa bansa.
Tsina: Reaksyon ng mga Netizen sa Paglulunsad ng Satellite ng Hilagang Korea
Noong ika-27 ng Marso, inanunsyo ng Hilagang Korea na matutuloy ang planong paglulunsad ng satellite sa kalagitnaan ng Abril sa kabila ng pagbisita ng Pangulo ng Estados Unidos na si Barack Obama sa Timog Korea ngayong linggo. Naging maingat naman ang Pangulo ng Tsina na si Hu Jintao sa pagbibitaw ng salita, samantalang hati naman ang pananaw ng mga netizen sa mga social media.
