Tampok sa website ng Pandaigdigang Museo ng Kababaihan ang tungkol sa pagiging ina. Inilarawan ng eksibit na MAMA: Motherhood around the Globe [en] [MAMA: Pagiging Ina sa Iba't Ibang Bahagi ng Mundo] ang samu't saring aspeto ng pagiging ina sa pamamagitan ng mga panayam [en] sa mga kababaihan mula Nigeria, Kenya, Afghanistan, Estados Unidos, Colombia, Hungary, Tsina at Norway.

Isa si Lusina, mula sa Kenya, sa mga ininterbyu

Ang Mama to Be [en] [Magiging Ina] ay tungkol sa mga pangarap at inaasam ng mga kababaihan tungkol sa pagiging ina at sa pagdadalantao, at kung paano hinarap ng ilang kababaihan, tulad ng mga batang ina, ang balita ng pagbubuntis at pag-aalaga ng anak.

How many women in the world actually have an opportunity to decide if, how, and when to create a family? What are the reasons that women today are choosing – or refusing to choose – motherhood?

Sa Healthy Mama, Healthy Baby [en] [Malusog na Ina, Malusog na Sanggol], kinuwento ng mga kababaihan ang kanilang mga karanasan sa panganganak at pagluluwal ng sanggol, at pinakita ang magkaibang pananaw ng iba't ibang kultura tungkol sa panganganak at kalusugan.

Every day, thousands of women worldwide give birth to new human life. While many of these women will have happy and successful deliveries, hundreds will die in childbirth. How do things like geography, income, and age affect your chances of a safe delivery? What is being done to improve upon the world’s maternal mortality rate, and how can you get involved?

Sa Featured Voices [en] [Mga Tampok na Boses], anim na kwento ang pinili ng mga hurado, mula sa dose-dosenang kwentong ipinadala ng mga mambabasa, kung saan isa lamang ang mananalo ng Community Choice Award. Isa sa mga pinagpipilian ang maikling pelikula ni Jorge Caballero para sa Gusano Films tungkol sa mahirap na kalagayan ng mga ward para sa mga babaeng nagdadalantao sa isang ospital sa bansang Colombia.
Sa sipi mula sa pelikulang Birth Maternity Journal [en], isang ina na may anim na anak ang pumunta sa isang ospital para magpatingin sa doktor at para ipanganak ang kanyang sanggol. Naging malinaw lamang ang kwento ng kanyang buhay matapos niyang sagutin ang ilang tanong ng doktor, na unti-unti namang nagbago ang pakikitungo sa kanya, iminungkahi ang pagtatali sa fallopian tube at mabilis na pinaalis ang babae ng opisina. Ipinanganak niya ang sanggol sa isang higaan sa loob ng ospital, dahil wala nang oras upang dalhin siya sa silid-panganakan.

Tinukoy naman ng Meet the Mamas [en] [Kilalanin ang mga Ina], sa pamamagitan ng personal na pakikipanayam, ang magkaibang karanasan ng isang dalagang ina mula sa bansang Liberia [en] na nasasadlak ngayon sa mahirap na kalagayan, at ng isang batang ina mula sa Estados Unidos [en], na nakaraos at nakapag-aral ulit dahil sa suporta ng kanyang pamilya.

Layon ng naturang eksibit ng Pandaigdigang Museo ng Kababaihan na ibahagi sa mas maraming tao ang kalagayan ng kalusugan ng mga ina at kababaihan. Nakalagay naman sa pahina tungkol sa Pakikipag-ugnayan [en] ang iba't ibang paraan na maaaring gawin ng mambabasa upang mapabuti ang mga istatistika at upang lumawak ang sariling kamalayan tungkol sa mahalagang isyung ito.