Mga kwento tungkol sa Citizen Media noong Abril, 2012
Costa Rica: Pag-akyat sa Chirripó, ang Pinakamatayog na Bundok sa Bansa
Ang Chirripó ang pinakamatayog na bundok sa bansang Costa Rica, na may taas na 3820 metro (12,533 talampakan). Noon pa man, maraming mga lokal at banyagang turista ang naaakit na akyatin ang tuktok nito: mapapanood sa mga susunod na bidyo ang dalawang magkaibang karanasan. Tampok sa unang bidyo ang naunang paglalakbay noong 1960, at tampok naman sa pangalawa ang karanasan sa kasalukuyang panahon.
Guinea-Bissau: Mas Mainam na Lugar para Mag-Online
Napakahirap humanap ng de-kalidad na koneksyon ng internet sa bansang Guinea-Bissau. Sa pakikipagtulungan ng iba't ibang lokal na NGO, naitayo ang tanggapang CENATIC, isang sentro na nagbibigay access sa internet sa mga organisasyon at indibidwal na nangangailangan nito, upang maiparating ang kani-kanilang mensahe sa bawat sulok ng daigdig.
Tsina: Pagpigil at pagbura sa mga kumakalat na “tsismis”
Patuloy ang pagsupil ng bansang Tsina ayon sa kanilang propaganda laban sa mga kumakalat na "tsismis" sa social media. Subalit marami ang naniniwalang magwawagi pa rin sa online na digmaang ito ang mga ordinaryong mamamayan sa bandang huli. Sa kabilang banda, nilathala ng peryodikong People's Daily ang artikulo tungkol sa "pinsala sa mga mamamayan at lipunan na dinudulot ng mga tsismis na nanggaling sa Internet. Hindi dapat pinapaniwalaan o kinakalat ng publiko ang mga ganitong tsismis."
Bidyo: Pagpatay sa Mga Kababaihan at Sanggol sa Sinapupunan sa Indiya at Tsina
Sa mga bansang Indiya at Tsina, 200 milyong kababaihan ang iniuulat na "nawawala" dahil sa kaugaliang pagpapalaglag ng mga babaeng sanggol sa loob ng sinapupunan, samantalang pinapatay o iniiwan naman ang mga batang babae. Narito ang ilang dokyumentaryo at pag-uulat tungkol sa ganitong uri ng paghamak sa kasarian na kumikitil ng maraming buhay, at tungkol sa mga pagsisikap na bigyang lunas ang suliraning ito.
Bahrain: Karerang F1 Grand Prix Nabalot ng Karahasan, Tear Gas
Idinaos noong ika-22 ng Abril ang Bahrain Grand Prix subalit kasabay nito ang malalaking protesta sa bansa ilang araw bago ang naturang petsa. Sa mga naganap na salpukan, gumamit ang kapulisan ng mga tear gas at stun grenade, at natagpuang patay ang isang demonstrador na si Salah Abbas Habib.
Taas-Presyo sa Langis Iprinotesta sa Ilang Bayan sa Indonesia
Binaha ng kilos protesta ang mga lansangan ng ilang siyudad sa bansang Indonesia sa mga nakalipas na linggo bunsod ng pagtataas ng presyo ng petrolyo. Pinagdebatihan naman ng mga netizen kung nararapat ba ang pagtataas ng presyo nito. Dumagsa sa microblogging site na Twitter ang mga tao upang iulat ang salpukan sa pagitan ng kapulisan at mga estudyante sa siyudad ng Jakarta.
Suwesya: Ministro ng Kultura Sangkot sa Kontrobersyal na Likhang-Sining na ‘Mapanghamak na Keyk’
Inulan ng batikos tungkol sa paghamak sa lahi at rasismo ang Ministro ng Kultura ng bansang Suwesya matapos nitong tikman ang kontrobersyal na 'Masakit na Keyk', na kumakatawan sa babaeng taga-Aprika, sa ginanap na paunang sulyap sa isang eksibit sa Stockholm. Balitang hatid ni Julie Owono.
Arhentina: Pinuna ng mga Blogger ang Anunsyong Pagbili ng Pamahalaan sa Kompanyang YPF
Umani ng iba't ibang reaksyon sa blogosphere ng bansang Arhentina ang panukalang pagbili ng pamahalaan nito sa kompanya ng langis na YPF, na kontrolado ng kompanyang Repsol ng bansang Espanya, kung saang mapapasakamay ng gobyerno ang 51% ng buong kompanya. Ibinahagi ni Jorge Gobbi ang ilan sa mga opinyong ito, na kasalukuyang nahahati sa pagitan ng mga sang-ayon at kumukontra sa pamamahala ni Cristina Fernandez de Kirchner.
Tsina: Sinubukan ang “Kill Switch” ng World Wide Web?
Naging intranet ang internet ng Tsina sa loob ng 2 oras noong ika-12 ng Abril. Hindi mapasok ng mga taga-Tsina ang World Wide Web at pinutol ang koneksyon sa lahat ng mga social networking site at email na galing sa ibang bansa. Naniniwala ang mga netizen na hudyat ito ng ipapatupad na web censor na "Kill Switch".
Iran: Linggo ng Masidhing Graffiti para sa Mga Bilanggong Pulitikal
Noong ika-1 hanggang ika-7 ng Abril 2012, hinikayat sa Facebook ng grupong Mad Graffiti Week Iran ang buong mundo na lumahok sa paglalapat ng mga guhit para sa daan-daang bilanggong pulitikal sa bansang Iran. Ang gawaing ito ay batay sa at sinuportahan ng kilusang “Mad Graffiti Week” ng bansang Ehipto kung saan libu-libo ang hinimok na magprotesta laban sa kasalukuyang rehimeng militar.
Living Tongues: Mga Kasangkapang Teknolohiya Upang Sagipin Ang Mga Wikang Nanganganib Mawala
Batid ng Living Tongues Institute for Endangered Languages na sa pagkamatay ng bawat katutubong wikang nanganganib mawala, kasamang nabubura sa kamalayan natin ang kasaysayan ng isang bahagi ng lipunan. Bilang tugon sa isyung ito, nagsasagawa ang naturang surian ng masinop na pagdodokyumento ng mga lenggwaheng sinasabing nasa peligro, at nagbibigay gabay sa mga pamayanan upang mapanatili o buhaying muli ang kanilang kaalaman tungkol sa katutubong wika, sa tulong ng ICT at mga kagamitang likha ng kanilang komunidad. Kumakalap din ito ng sapat na pondo upang makabili ng kagamitang pangrekord at mga kompyuter para sa 8 napiling indibidwal na nagsusulong ng kanilang katutubong wika sa mga pamayanan ng Indiya, Papua New Guinea, Chile at Peru.
“Kurtinang Electronic” ng Iran Ginawan ng Animasyon ng Kagawaran ng Estado ng Estados Unidos
Naglabas ng isang maikling animasyon sa YouTube ang Kawanihan ng Pandaigdigang Programa sa Impormasyon, na bahagi ng Kagawaran ng Estado ng Estados Unidos, tungkol sa pinapatupad na "kurtinang electronic" sa bansang Iran.
Tunisia: Mga Mambabasa ng Aklat Susugod sa Lansangan!
Matapos ang ilang linggo ng demonstrasyon sa Tunis, isang bagong uri ng pagkilos ang binubuo ngayon, na tinatawag nilang "L'avenue ta9ra", o "Nagbabasa ang lansangan". Binabalak ng mga taga-Tunisia na dalhin ang kani-kanilang libro sa Kalye Habib Bourguiba, ang pinakamahalagang lansangan sa kasaysayan ng kabisera, upang magbasa ng sama-sama.
Mga Pananaw sa Pumalyang Pagpapalipad ng Rocket ng Hilagang Korea
Naglunsad ng rocket ang Hilagang Korea noong ika-12 ng Abril, sa kabila ng patong-patong na babala ng paghihigpit ng ibang bansa. Ngunit laking kahihiyan nang magkapira-piraso ang rocket matapos itong lumipad at bumagsak sa dagat. Sumiklab sa Internet sa Timog Korea ang samu't saring pagtatalo tungkol sa pangyayaring ito.
Arhentina: “Hindi Ako Naniniwala sa Paaralan Ngunit Naniniwala Ako sa Edukasyon”
Naglabas ang Educación Viva (Mabuhay ang Edukasyon) ng paunang bidyo na humahamon sa tradisyonal na sistema ng edukasyon, na pinamagatang Hindi Ako Naniniwala sa Paaralan Ngunit Naniniwala Ako sa Edukasyon. Sa bidyo na may kasamang subtitle sa wikang Ingles, binigkas ng higit sa 20 kalalakihan at kababaihan ang tula tungkol sa sistema ng edukasyon at kung paano ito naiiba sa kanilang paniniwala tungkol sa tunay na kahulugan ng pag-abot ng kaalaman.
