See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Mga kwento tungkol sa Citizen Media noong Setyembre, 2012

29 Setyembre 2012

Syria: Ang Rebolusyon Ayon sa Mga Guhit ni Wissam Al Jazairy

Si Wissam Al Jazairy ay isang binatang graphic designer mula Syria. Ang paghihirap ng kanyang mga kababayan ang siyang naging tema ng mga likhang-sining na kanyang iniambag sa rebolusyon. Narito ang ilan sa mga disenyong likha ni Wissan.

26 Setyembre 2012

Venezuela: Mga Alagad ng Sining, Tampok sa Maikling Dokyu

Sa pamamagitan ng YouTube, inilahad ng pangkat na Mostro Contenidos ang isang dokyu-serye na pinamagatang 'Memorabilia'. Ito ay isang koleksyon ng mga naging panayam sa mga kilalang personalidad sa Venezuela na sumikat sa larangan ng pelikula, sining at pagtatanghal sa loob at labas ng bansa.

24 Setyembre 2012

Bansang Hapon: Panganib sa Paglilinis sa Fukushima Nuclear Plant, Ibinunyag

Ibinunyag ng isang bidyo mula sa citizen media ang mapanganib na kondisyon na kinakaharap ng mga naglilinis sa Fukushima nuclear power plant sa bansang Japan. Matatandaang nagtamo ng pinsala ang planta matapos ang malakas na lindol at tsunami doon.

22 Setyembre 2012

Ehipto: Makasaysayang Pamilihan ng mga Aklat, Sinalakay ng Pulisya

Madaling araw ng ika-7 ng Setyembre nang mabalitaan ng mga taga-Egypt ang ginawang pagsalakay sa mga tindahan ng mga libro sa Kalye Prophet Daniel sa lungsod ng Alexandria. Maraming nagsasabing kagagawan ito ng mga taga-Ministeryo ng Interyor. Bumuhos naman ang poot ng mga netizen sa Muslim Brotherhood, na inaakusahang unti-unting sumisira sa yamang-kultura ng bansa.

Bidyo: Pagsabog ng Bulkang San Cristobal sa Hilagang Nicaragua

Mapapanood sa YouTube ang mga eksenang kuha ng mga netizen sa kamangha-manghang pagsabog ng bulkan sa bansang Nicaragua noong ika-8 ng Setyembre, 2012. Nasaksihan ng mga netizen ang pagsabog ng Bulkang San Cristobal, na siyang pinakamatayog sa Nicaragua na matatagpuan sa Gitnang Amerika. Alas-9 ng umaga nang magbuga ito ng makakapal na usok at abo, dahilan upang lumikas ang higit 3000 katao sa bayan ng Chinandega.

20 Setyembre 2012

Bansang Hapon: Isang Hinagap sa Ugnayang Hapones-Koreano Gawa ng ‘Free Hugs’

Isang bidyo ang sumikat nitong mga nakalipas na buwan, na may pamagat na "free hugs", kung saan tampok ang isang binatang Hapones sa bansang Korea. Nais ng gumawa ng pelikula na "patunayang may pag-asa pa para sa mga bansang Hapon at Timog Korea". Sentro ng mga balita sa midya ngayon ang hindi pagkakaintindihan sa pagitan ng dalawang bansa.

19 Setyembre 2012

Kilos-Protesta ng mga Anarkistang Griyego sa mga Litrato

Noong Setyembre 1, isinagawa sa gitnang Athens ang isang kilos-protesta. Daan-daang demonstrador, na karamihan ay kasapi ng kilusang anarkiya, ang nagtipon-tipon bilang pagkundena sa marahas na pag-atake laban sa mga dayuhan at mga imigrante.

18 Setyembre 2012

Graffiti sa Panahon ng Krisis

Sa kasalukuyang krisis pang-ekonomiya, naging lunsaran ng mga hinaing ng lipunan ang samu't saring graffiti na makikita sa mga lungsod at bayan. Narito ang ilang halimbawa.

16 Setyembre 2012

TEDxDiliman, Pinag-usapan sa Twitter

Mahigit 100 katao ang dumalo sa TEDxDiliman 2012 noong Sabado, ika-15 ng Setyembre, na idinaos sa UP Diliman. Ilang mahahalagang personalidad ang nagpaunlak sa paanyaya at nagbigay ng kani-kanilang talumpati. Sa internet, masugid na inabangan ng mga netizen ang livestream ng okasyon at agad nag-trend ang hashtag na #tedxdiliman.

14 Setyembre 2012

Mga Yamang-Kultura ng Syria, Pinapangambahang Maglaho

Bukod sa lumulobong bilang ng mga nasasawi sa giyera sa bansang Syria, isang masaker ang patuloy na nagaganap sa yamang-kultura ng mga taga-Syria. Subalit mapapansing ang usaping ito ay bihira lamang mabanggit sa midyang tradisyonal at sa social media, ayon kay Thalia Rahme.

13 Setyembre 2012

Mga Bansang Arabo: Pagpaslang sa Embahador ng US sa Benghazi, Kinundena

Ikinagalit ng mga Arabong netizens ang duwag na pag-atake sa Konsulado ng Estados Unidos sa Benghazi, Libya. Apat na dayuhang Amerikano, kabilang na ang Embahador na si Christopher Stevens, ang pinatay nang pinapaputukan sila ng mga militante ng isang missile, habang inililikas ang dayuhang grupo sa mas ligtas na lugar, matapos paligiran ang gusali ng kanilang konsulado.

10 Setyembre 2012

Venezuela: Kabataan, Sayaw, Katutubo… at Propaganda

Ibinahagi ni Carmen Helena González ang mga litrato sa photo album sa Facebook na pinamagatang "Ang pagsayaw ng Venezuela sa saliw ng...". Ang bawat litrato ay may kaakibat na pagninilaynilay at pagkuwestiyon sa mga propagandang pulitikal sa sistema ng edukasyon sa bansa.

9 Setyembre 2012

Mga Bansang Arabo: Naiibang Eid sa Syria, Palestina at Bahrain

Sa iba't ibang panig ng mundo, ginunita ang nakalipas na Eid Al Fitr sa loob ng tatlong araw, na siyang takda ng pagtatapos ng Ramadan - ang isang buwan ng pag-aayuno. Ngunit naging tahimik ang selebrasyon sa mga bansang Syria habang nagluluksa ang buong bayan para sa mga mamamayang nasawi, at sa bansang Bahrain kung saan napaslang ng pulisya ang isang 16-na-taong gulang na binata.

8 Setyembre 2012

Ehipto: Karapatan ng mga Kababaihan, Isinusulong ng ID Mo, Karapatan Mo

7 Billion Actions

Aabot sa 4 na milyong kababaihan ng bansang Egypt ang walang opisyal na ID, na siyang kailangan upang mabigyan sila ng samu't saring serbisyo publiko at mga karapatang pambatas, panlipunan at pangpinansiyal. Layon ng proyektong "ID Mo, Karapatan Mo" na mabigyan ng ID ang 2 milyong kababaihan at mapalaganap ang kaalaman tungkol sa ganitong usapin at pati na ang kahalagahan ng pagkakapantay-pantay ng kasarian.