Mga kwento tungkol sa Feature noong Agosto, 2012
Morocco: Reporma sa Edukasyon, Iginiit ng mga Mag-aaral
Nitong Hulyo, inilunsad ng isang grupo ng mga estudyante sa Morocco ang Facebook page na "Unyon ng mga Mag-aaral sa Morocco para sa Pagbabago ng Sistemang Pang-edukasyon". Sa loob lamang ng isang buwan, nakahikayat ito ng matinding suporta gamit ang social media.
Venezuela: Caracas, Sinakop ng Pandaigdigang Pagtitipon ng Katawang Sining
Noong 2011, itinanghal sa Caracas ang Pandaigdigang Pagtitipon ng Katawang Sining, at naging instrumento ang medya ng mamamayan para maibahagi sa ibang tao ang mga nakakamanghang pagpapahayag gamit ang katawan ng tao. Kabilang sa mga itinampok sa pagdiriwang ay ang mga katutubo ng Venezuela at ang kanilang likhang sining sa balat.
Anibersaryo ng Pag-aalsa ng Myanmar noong 1988, Ginunita sa mga Lumang Litrato
Ginunita noong Agosto 8, 2012, ang ika-24 anibersaryo ng pinakamalaking rebolusyon sa kasaysayang pampulitika ng Myanmar - ang protesta para sa demokrasya noong 1988. Mula sa Facebook page ng Myanmar Political Review, na binuo noong Hulyo at nakalikom ng humigit 1,000+ fans sa loob lamang ng ilang araw, masisilayan muli ang mga pambihirang litrato na kinunan noong 1988.
Bolivia: Kampanya sa Turismo, Ibinida sa Bagong Bidyo
'Bolivia Te Espera' (Inaantay Ka Ng Bolivia) ang tawag sa bagong kampanyang inilunsad ng pamahalaan ng bansang Bolivia. Layon ng kampanyang ito na mapalawig ang turismo sa bansa sa tulong ng puhunang aabot sa 20 milyong dolyares sa loob ng limang taon, kung saan karamihan nito ay mapupunta sa mga katutubong pamayanan.
Bidyo: Walang Palanguyan? Walang Problema! Mga Malikhaing Sagot sa Tag-init
Dahil sa matinding tag-init na nararanasan ng mga taga-hilagang bahagi ng ating daigdig, kanya-kanyang pamamaraan ang karamihan doon upang matakasan ang umaakyat na temperatura at nang makaramdam ng kaunting pahinga. Pinapamalas ng mga susunod na litrato at mga bidyo ang pagiging malikhain at ang angking imahenasyon ng mga tao, mapabata man o matanda, upang maibsan ang epekto ng mainit na panahon.
Thailand: Mga Bidyong Nagsusulong ng Malusog na Pamumuhay
Isang ahensiyang pangkalusugan sa Thailand ang ikinakampanya ang malusog na pamumuhay sa mga Thai sa tulong ng mga malikhaing bidyo. Naging patok sa internet ang kanilang pinakabagong patalastas tungkol sa paninigarilyo, at maraming indibidwal ang nagsasabing ito ang pinakamabisang anti-smoking ad sa mundo.
Bidyo: Kampanyang ‘Karapatang Pantao, Ngayon Na!’, Inilunsad sa Costa Rica
Noong Biyernes, ika-3 ng Agosto, inilunsad ng grupong Citizens for Human Rights ang kampanyang "Human Rights Now!" (Karapatang Pantao, Ngayon Na!), kung saan nagsama-sama ang mga personalidad ng Costa Rica upang ipanawagan ang paggarantiya ng Pamahalaan sa mga karapatang pantao ng lahat. Sa nasabing bidyo tinalakay ang mga isyu gaya ng pagpapakasal ng mga magkaparehong kasarian at ang mga karapatang sekswal at ligtas na pagdadalangtao ng mga kababaihan.
Chile: Mga Larawan ng Protesta sa Aysén, Ibinahagi sa Twitter
Isang kilusang panlipunan ang umusbong sa rehiyon ng Aysén sa bahagi ng Patagonia sa Chile. Ibinahagi ng mga taga-Aysén sa Twitter ang samu't saring litrato ng mga pagmartsa, pagharang at mga sagupaan na naganap noong Pebrero.
Pilipinas: Kalakhang Maynila at Karatig-Lalawigan, Lubog sa Baha
Dahil sa malalakas at tuloy-tuloy na pag-ulan, nakaranas ng matinding pagbaha ang maraming bahagi ng Kalakhang Maynila at mga karatig-lalawigan sa Luzon. Nilikom ng taga-Maynilang si Mong Palatino, patnugot ng Global Voices, ang mga litratong mula sa social media na naglalarawan ng kabuuang lawak ng delubyo sa kabisera ng bansa.
Venezuela: Mga Realidad ng Lungsod, Siniyasat sa mga Pelikula
Sa ika-445 na kaarawan ng lungsod ng Caracas, ibinahagi ni Laura Vidal ang mga obra ng tatlong direktor na may iba't ibang perspektibo sa kabisera ng Venezuela upang mapanood ng lahat ng netizen sa loob at labas ng bansa.
Syria: Mga Bidyo, Idinokumento ang Tumitinding Sagupaan
Mainit na pinag-usapan sa social media ang mga balita mula sa bansang Syria. Sa tulong ng mga bidyong iniupload ng mga aktibista sa YouTube, naipapakita sa mas maraming tao ang mga mahahalagang kaganapan sa lumalalang kaguluhan doon.
Bidyo: Tara na sa mga palengke ng mundo
Sagana sa iba't ibang kulay, tunog at punung-puno ng buhay ang mga palengke at pamilihan, saang dako man sa mundo. Samahan niyo kami sa aming pagbisita - sa pamamagitan ng mga litrato at bidyo - sa mga palengke ng El Salvador, Mehiko, Indiya, Indonesia at Thailand.