Mga kwento tungkol sa Feature noong Hunyo, 2012
Kauna-unahang Pelikulang Animasyon sa Afghanistan
Pagkatapos ng tatlong dekada ng digmaan at pagkawasak, naging mahalagang hakbang ng mga Afghan ang paggamit ng modernong teknolohiya at media upang maiahon muli ang sariling bansa at maitaguyod ang mas magandang bukas para sa mga susunod na henerasyon. Patunay dito ang pelikulang 'Buz-e-Chini' (o Kambing), ang kauna-unahang 3D na animasyon sa bansa.
Graffiti at Sining Panglungsod ng Latinong Amerika: Sa Internet at sa mga Lansangan
Buhay na buhay ang paggawa ng mga graffiti at sining panglungsod sa Latinong Amerika. Narito ang maikling sulyap sa mga bagong akda sa mga blog na itinatanghal ang mga litrato at bidyo ng masiglang kilusan ng kontemporaryong sining mula sa iba't ibang panig ng rehiyon.
Matapos Ipagbawal, Pelikulang ‘The Dictator’ Patok sa Tajikistan
Matapos ipagbawal sa bansang Tajikistan ang bagong pelikulang 'The Dictator', naging patok ito sa mga tindahan ng piniratang DVD doon. Naniniwala ang mga netizeng Tajik na naging popular ang pelikula sa bansa dahil sa ginawang pagbabawal.
Afghanistan: Mga Batang Babae, Nilason Dahil sa Pagpasok sa Eskwelahan
Bagamat matagal nang napatalsik ang Taliban noong 2001 at malaya nang makakapag-aral ang mga kababaihan sa bansang Afghanistan, patuloy na pinaparusahan ng mga grupong fundamentalist ang mga batang babaeng pumapasok sa mga paaralan. Naibalita kamakailan ang serye ng pag-atake sa mga eskwelahan sa hilagang-silangang lalawigan ng Takhar, kung saan daan-daang kababaihan ang naging biktima ng panglalason.
Pilipinas, Tsina: Alitan sa Scarborough Shoal, Pinag-uusapan sa Internet
Umigting ang tensyon sa mga nakalipas na buwan sa pagitan ng Pilipinas at Tsina nang magpalitan ang dalawang pamahalaan ng mga paratang tungkol sa iligal na panghihimasok ng isa't isa sa mga yamang dagat sa paligid ng pinag-aagawang Scarborough Shoal. Umusbong ang damdaming makabayan ng mga mamamayan ng dalawang bansa at lalong tumindi sa internet ang sagutan ng magkabilang kampo.
Qatar: Shopping Mall Nasunog, Kumitil ng Buhay
Noong ika-28 ng Mayo, tinupok ng apoy ang Villaggio Mall sa Doha. May 19 na katao ang nasawi, kabilang na ang 13 batang paslit. Hindi sila nakalikas mula sa isang nursery sa loob ng mall. Binawian sila ng buhay kasama ang kanilang apat na guro dahil sa paglanghap ng makakapal na usok. Dalawang bombero naman ang namatay matapos tangkaing iligtas ang mga nakakulong sa loob ng gusali.
