See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Matapos Ipagbawal, Pelikulang ‘The Dictator’ Patok sa Tajikistan

[Lahat ng link sa akdang ito ay magdadala sa iyo sa mga pahinang nasa wikang Ingles, maliban na lamang kung may nakasaad].

Halos isang buwan pagkatapos ipagbawal sa bansang Tajikistan ang pelikulang The Dictator o ‘Ang Diktador’, na siyang pinakabagong spoof na pinagbibidahan ni Sacha Baron Cohen, naging pinakamainit na pamagat ang nasabing pelikula sa mga tindahan ng DVD. Ayon sa blogger na si Harsavor (Donkey Rider) na taga-Tajikistan, ‘The Dictator’ ang palaging hinahanap ngayon [ru] ng mga mamimili ng piniratang DVD. Ipinagbawal ng pamahalaan ang naturang pelikula noong Mayo, dahil hindi raw ito angkop sa “lokal na pananaw” o dahil wala raw itong “potensiyal na kumita ng pera”..

Nagkasundo naman ang mga netizeng Tajik sa paniniwalang biglang sumikat ang ‘The Dictator’ dahil sa pagbabawal dito. Matapos maiulat sa isang pambalitaang website [ru] ang tungkol sa pagkumpiska ng otoridad sa mga binebentang piratang DVD ng ‘The Dictator’, pinuna ito ng isang mambabasa [ru]:

чушь полнейшая…глупо изымать из проката нелицензированные диски просто потому, что после искусственно разведенного ажиотажа желание посмотреть этот фильм и все ниже перечисленные будет еще сильнее, а интернет еще ни кто не отменял. фильмы вышедшие в мировой прокат буквально через неделю появляются на торрентах пусть и в плохом качестве их можно с легкостью скачать – самому посмотреть и друзьям дать […]. запретный плод всегда сладок и приятен!

Kalokohan. Kalokohan ang pagkumpiska ng mga piratang DVD dahil pinaiigting lang nito ang interes ng mga tao sa nasabing pelikula. Ngayon, mas gusto na nilang panoorin ang palabas at ang iba pang mga pelikula na ipinagbawal. At nandiyan ang internet. Pagkatapos itong maipalabas sa ibang bansa, makikita na ito sa mga torrent site makalipas ang isang linggo, bagamat malabong kopya pa siguro iyon. Madali na itong maida-download at mapapanood ng mga tao at ng kanilang mga kaibigan […]. Palaging masarap at kaakit-akit ang bawal!

Dagdag ni Abdumannon Sheraliev sa kanyang komento [tj] sa grupong ‘Platforma‘, isang pangkat sa Facebook na tumatalakay ng patungkol sa pulitika at samu't saring balita sa Tajikistan:

Ачаб масъулине мо дорем! Хар хидмате ба давлат мехоханд кунанд ба хидмати хирсона табдил меёбад. Хамин падарлаънати “Диктатор”-ро агар манъ намекарданд, шояд касе намоиш хам намедод. Агар намоиш медоданд, шояд 0,1 фоизи мардум тамошо мекард […]. Акнун чунон карданд, ки онро хама мехоханд бинанд.

Nakakatawa ang gobyerno! Nagiging hadlang ang lahat ng kanilang serbisyo sa bansa. Kung hindi naging maugong ang ‘The Dictator’, malamang hindi pa rin ito ipapalabas sa mga sinehan. At kung ipapalabas man, marahil 0.1 porsiyento lamang ng populasyon ang makakapanood nito […]. Pero ngayon lahat ng tao gustong mapanood ang pelikula.

Paliwanag pa ni Jasur Ashurov sa kanyang reaksyon [ru] sa ‘Platforma':

Глупо! В Таджикистане всего 4 кинотеатра, где показывают лицензионное кино: 2 в Душанбе, 1 в Курган-Тюбе и 1 в Худжанде. Ну сколько человек посмотрели бы этот фильм в четырех кинотеатрах? Тысяча человек максимум. А теперь о фильме говорят все и все хотят его посмотреть. Наверняка теперь “Диктатор” станет самым ходовым фильмом в местах продажи пиратских DVD и самым скачиваемым фильмом в Таджикистане.

Bobo! May 4 na sinehan lamang ang nagtatanghal ng mga lisensiyadong pelikula sa Tajikistan: 2 sa Dushanbe, isa sa Kurgan-Tube, at 1 sa Khujand. Ilang tao lang ba ang makakapanood ng pelikula sa apat na sinehang iyon? Isang libo mahigit. Pero ngayon lahat ng tao alam ang pelikula at gustong mapanood ito. Marahil ang ‘The Dictator’ na siguro ang magiging pinakasikat sa mga piniratang pelikula sa DVD, at ang pinakamadalas na idownload mula sa internet.

Nag-aalala naman ang Tajik blogger na si Salimi Ayoubzod tungkol sa pagbabalita ng pandaigdigang media tungkol sa pagbabawal ng pamahalaang Tajikistan. Pinangangambahan niya [tj] ang negatibong imahe ng bansa dahil sa pagbabawal:

Ман ёд надорам, ки дар ду-се соли охир дар ягон мавзӯи марбут ба Тоҷикистон расонаҳои ҷаҳон ин гуна таваҷҷӯҳ […] нишон дода бошанд.

Wala akong maisip na ibang isyu tungkol sa Tajikistan sa loob ng dalawa o tatlong taon na tinutukan ng dayuhang media ng ganito

Bagamat hindi inaamin ng mga opisyales ng gobyerno, pinaniniwalaang ipinagbawal ang ‘The Dictator’ dahil natatakot silang mapanood ng mga mamamayang Tajik ang pelikula at ihambing ang karakter na si Heneral Aladeen, pinuno ng bansang Wadia sa Hilagang Aprika, sa pinuno ng bansa na naluklok sa puwesto magmula pa noong 1992. Naunang ipinagbawal ang nasabing pelikula sa mga karatig-bansang Kazakhstan at Turkmenistan.

2 Mga Komento

Join the conversation

Authors, please log in »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.