Mga kwento tungkol sa English noong Abril, 2012
Costa Rica: Pag-akyat sa Chirripó, ang Pinakamatayog na Bundok sa Bansa
Ang Chirripó ang pinakamatayog na bundok sa bansang Costa Rica, na may taas na 3820 metro (12,533 talampakan). Noon pa man, maraming mga lokal at banyagang turista ang naaakit na akyatin ang tuktok nito: mapapanood sa mga susunod na bidyo ang dalawang magkaibang karanasan. Tampok sa unang bidyo ang naunang paglalakbay noong 1960, at tampok naman sa pangalawa ang karanasan sa kasalukuyang panahon.
Guinea-Bissau: Mas Mainam na Lugar para Mag-Online
Napakahirap humanap ng de-kalidad na koneksyon ng internet sa bansang Guinea-Bissau. Sa pakikipagtulungan ng iba't ibang lokal na NGO, naitayo ang tanggapang CENATIC, isang sentro na nagbibigay access sa internet sa mga organisasyon at indibidwal na nangangailangan nito, upang maiparating ang kani-kanilang mensahe sa bawat sulok ng daigdig.
Bidyo: Pagpatay sa Mga Kababaihan at Sanggol sa Sinapupunan sa Indiya at Tsina
Sa mga bansang Indiya at Tsina, 200 milyong kababaihan ang iniuulat na "nawawala" dahil sa kaugaliang pagpapalaglag ng mga babaeng sanggol sa loob ng sinapupunan, samantalang pinapatay o iniiwan naman ang mga batang babae. Narito ang ilang dokyumentaryo at pag-uulat tungkol sa ganitong uri ng paghamak sa kasarian na kumikitil ng maraming buhay, at tungkol sa mga pagsisikap na bigyang lunas ang suliraning ito.
Bahrain: Karerang F1 Grand Prix Nabalot ng Karahasan, Tear Gas
Idinaos noong ika-22 ng Abril ang Bahrain Grand Prix subalit kasabay nito ang malalaking protesta sa bansa ilang araw bago ang naturang petsa. Sa mga naganap na salpukan, gumamit ang kapulisan ng mga tear gas at stun grenade, at natagpuang patay ang isang demonstrador na si Salah Abbas Habib.
Taas-Presyo sa Langis Iprinotesta sa Ilang Bayan sa Indonesia
Binaha ng kilos protesta ang mga lansangan ng ilang siyudad sa bansang Indonesia sa mga nakalipas na linggo bunsod ng pagtataas ng presyo ng petrolyo. Pinagdebatihan naman ng mga netizen kung nararapat ba ang pagtataas ng presyo nito. Dumagsa sa microblogging site na Twitter ang mga tao upang iulat ang salpukan sa pagitan ng kapulisan at mga estudyante sa siyudad ng Jakarta.
Iran: Linggo ng Masidhing Graffiti para sa Mga Bilanggong Pulitikal
Noong ika-1 hanggang ika-7 ng Abril 2012, hinikayat sa Facebook ng grupong Mad Graffiti Week Iran ang buong mundo na lumahok sa paglalapat ng mga guhit para sa daan-daang bilanggong pulitikal sa bansang Iran. Ang gawaing ito ay batay sa at sinuportahan ng kilusang “Mad Graffiti Week” ng bansang Ehipto kung saan libu-libo ang hinimok na magprotesta laban sa kasalukuyang rehimeng militar.
Living Tongues: Mga Kasangkapang Teknolohiya Upang Sagipin Ang Mga Wikang Nanganganib Mawala
Batid ng Living Tongues Institute for Endangered Languages na sa pagkamatay ng bawat katutubong wikang nanganganib mawala, kasamang nabubura sa kamalayan natin ang kasaysayan ng isang bahagi ng lipunan. Bilang tugon sa isyung ito, nagsasagawa ang naturang surian ng masinop na pagdodokyumento ng mga lenggwaheng sinasabing nasa peligro, at nagbibigay gabay sa mga pamayanan upang mapanatili o buhaying muli ang kanilang kaalaman tungkol sa katutubong wika, sa tulong ng ICT at mga kagamitang likha ng kanilang komunidad. Kumakalap din ito ng sapat na pondo upang makabili ng kagamitang pangrekord at mga kompyuter para sa 8 napiling indibidwal na nagsusulong ng kanilang katutubong wika sa mga pamayanan ng Indiya, Papua New Guinea, Chile at Peru.
“Kurtinang Electronic” ng Iran Ginawan ng Animasyon ng Kagawaran ng Estado ng Estados Unidos
Naglabas ng isang maikling animasyon sa YouTube ang Kawanihan ng Pandaigdigang Programa sa Impormasyon, na bahagi ng Kagawaran ng Estado ng Estados Unidos, tungkol sa pinapatupad na "kurtinang electronic" sa bansang Iran.
Mga Pananaw sa Pumalyang Pagpapalipad ng Rocket ng Hilagang Korea
Naglunsad ng rocket ang Hilagang Korea noong ika-12 ng Abril, sa kabila ng patong-patong na babala ng paghihigpit ng ibang bansa. Ngunit laking kahihiyan nang magkapira-piraso ang rocket matapos itong lumipad at bumagsak sa dagat. Sumiklab sa Internet sa Timog Korea ang samu't saring pagtatalo tungkol sa pangyayaring ito.
Bidyo: Binibida ng mga Nonprofit ang Kanilang Gawain sa Pamamagitan ng mga Pinarangalang Bidyo
Itinanghal kamakailan ang mga nagwagi sa Ika-6 na Annual doGooder Non Profit Video Awards noong ika-5 ng Abril, 2012. Tampok ang mga nanalong bidyo sa 4 na kategorya: maliit na organisasyon, organisasyong may katamtaman ang laki, malaking organisasyon, at pinakamahusay sa pagkukuwento, pati ang 4 na nagwaging bidyo sa kategoryang 'walang takot'.
Pagkanta ng Pambansang Awit sa Sariling Wika (Ikalawang Bahagi)
Sa aming pangalawang ulat, tampok ang mga bidyong gawa ng mga mamamayan na itinatanghal ang kani-kanilang pambansang awit na isinalin-wika sa mga wikang katutubo o malimit gamitin, at napag-alaman namin na ipinagbabawal ng mga batas sa maraming bansa na kantahin ang pambansang awit maliban sa anyo ng pambansang wika. Subalit hindi ito nakapag-patinag sa ilang ordinaryong sibilyan na gumamit ng tinaguriang media ng mamamayan upang kantahin ang kanilang pambansang awit sa sariling wika.
Pagkanta ng Pambansang Awit sa Sariling Wika
Makikita sa YouTube ang sangkatutak na bidyong gawa ng mga mamamayan na itinatanghal ang mga pambansang awit na isinalin-wika sa mga katutubong lenggwahe. Batay sa mga komento at puna sa mga bidyo, ipinagmamalaki ng mga gumagamit ng katutubong wika ang mga bidyong ito sapagkat naipagbubunyi nila ang kanilang bayan gamit ang sariling wika.
Isang Araw sa Earth: Pandaigdigang Music Video na Tulong-tulong na Binuo, Ipinalabas
Ipinalabas ang isang bagong music video bilang paghahanda sa pandaigdigang pagpapalabas ng pelikulang One Day on Earth ["Isang Araw sa Earth"], na gaganapin sa iba't ibang lokasyon kasabay ng Earth Day (ika-22 ng Abril, 2012). Tampok sa music video ang mga musikero, makata, at mananayaw na kuha ng bidyo sa loob ng iisang araw, noong ika-10 ng Oktubre 2010, at malikhaing inedit at niremix ni Cut Chemist.
Isang Araw sa Earth: Pandaigdigang Pagpapalabas ng Pelikulang Tulong-Tulong na Binuo
Ang pelikulang tulong-tulong na binuo na pinamagatang One Day on Earth ["Isang Araw sa Earth"] ay pinagsama-samang bidyo ng mga kaganapan noong ika-10 ng Oktubre 2010, at mula sa higit 3,000 oras ng bidyo galing sa bawat sulok ng mundo. Gaganapin ang Pandaigdigang Pagpalalabas ng naturang pelikula kasabay ng Earth Day (ika-22 ng Abril 2012) sa bawat bansa, sa tulong ng mga World Heritage Site at United Nations.
Tutoryal mula Occupy Wall Street: “Paano Kunan ng Bidyo ang Isang Himagsikan”
Araw ng Linggo noong ika-11 ng Disyembre 2011 nang inilimbag ng New York Times ang isang masusing ulat na naglalarawan sa papel na ginagampanan ng teknolohiyang livestream sa kilusang Occupy Wall Street. Kinabukasan, labimpitong mamamahayag ang inaresto, kabilang na ang mga miyembro ng pangkat ng Global Revolution livestream.
