[1]Kapitolyo ng Lalawigan ng Cebu, kung saan gaganapin ang 2015 Global Voices Summit sa ika-24-25 ng Enero. Kuna ni Mike Gonzalez CC BY-SA 3.0
Ikinagagalak naming ipaalam na ang Global Voices Citizen Media Summit 2015 ay gaganapin sa ika-24-25 ng Enero sa syudad ng Cebu sa Pilipinas.
Sa unang pagkakataon, dadalhin tayo ng ika-anim na Citizen Media Summit [2] sa Timog-Silangang Asya, kung saan tatalakayin sa dalawang araw na pagtitipon kasama ang mga blogger, aktibista at dalubhasa sa teknolohiya ang kalagayan ng citizen media, internet at online na pakikilahok sa loob ng kagalang-galang na Kapitolyo ng Lalawigan ng Cebu [3] sa syudad ng Cebu. Ang 2015 Summit, katulad ng mga nakaraang pangyayari, ay isang malaking pagkakataon para sa pag-aaral at pagbabahagi kasama ang isang pambihirang pandaigdigang komunidad.
Antabayanan sa susunod na linggo ang paglulunsad ng summit web site kung saan matutunghayan ang mga detalye ng kaganapan, detalye sa pagpaparehistro at iba pa — at tandaan ang petsa!