[1]Sinagogang Eliyahu Hanavi sa lungsod ng Alexandria. Larawang bahagi ng public domain, kuha ni Moshirah.
Lingid sa kaalaman ng karamihan, ilang maliliit na pamayanang minorya ang nananatili sa mga kalunsuran ng Egypt. Isinalaysay ni Nervana Mahmoud (@Nervana_1 [2]) sa kanyang blog [3] [en] ang tungkol sa isang pamayanan sa bayan ng Alexandria na binubuo ng 18 kababaihan at 4 na kalalakihan, na kung pagbabasehan ang tradisyong Hudyo, kailangan nila ng 6 na kalalakihang bisita upang makapagdiwang man lang ng Rosh Hashanah, ang selebrasyon ng Bagong Taon ng Hudaismo. Ito ang larawan ng Sinagogang Eliyahu Hanavi [4] [en] sa bayan ng Alexandria kung saan nagdarasal ang pangkat.