See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Tsina: Pagdadalantao, Sapilitang Pinapalaglag ng Mga Tiwaling Opisyales

[Lahat ng link sa akdang ito ay magdadadala sa iyo sa mga pahinang nasa wikang Ingles, maliban na lamang kung may nakasaad.]

Usap-usapan sa social media at mga microblog sa Tsina ang isang litrato ng isang babae na napilitang magpalaglag ng kanyang ipinagbubuntis. Kaliwa't kanan ang naging pagbatikos ng mga netizen. Sa nasabing larawan makikita ang isang babae at ang 7-buwang sanggol na wala nang buhay [Babala: maselang imahe]. Nakakapagtakang hindi ipinagbawal ng otoridad ang pagkalat ng nasabing balita. Sa halip naging maugong ang hashtag tungkol sa “7-buwang pagbubuntis sapilitang ipinalaglag” na napabilang sa sampung pinakamainit na balita sa website na Sina Weibo.

Noong dekada 80 ipinagtibay ng Tsina ang one-child policy (isang anak sa bawat pamilya) na nagbabawal sa mga mag-asawa na magkaanak ng higit sa isang bata, bukod ang ilang iksempsiyon para sa mga pamilyang nakatira sa mga pamayanang rural, mga taong walang naging kapatid, at iba pa. Ipinatutupad ang naturang patakaran ng mga pamahalaang panlalawigan na may kasamang multa. Ayon sa ulat ng Radio Free Asia noong Hunyo 12, 2012, sinisi ni Feng Jiame, ang ina sa larawan, ang mga opisyal ng lokal na kawanihan ng pagpaplano ng pamilya dahil pinilit daw itong ipalaglag ang bata matapos hindi makapagbayad ng multang RMB 40,000 (o halos $6,000 USD).

Iniimbestigahan na ngayon ang mga nasabing opisyal sa Shaanxi. Bagamat idiniin ng pambansang media ang iligalidad ng pagpapalaglag sa mga huling buwan ng pagbubuntis at wala itong pahintulot, hindi pinalagpas ng mga netizen ang insidente, at binatikos ang hindi makataong paraan sa kabila ng mga batas tungkol dito.

karatula tungkol sa pagpaplano ng pamilya sa Tsina

Ayon sa karatula: 'Pagbutihin ang pagpaplano ng pamilya sa ikakabuti ng kaunlaran ng ekonomiya', Zhang Zhenhua, 1986 – mula sa Flickr ni IISG (CC BY 2.0)

Narito ang ilang reaksyon sa Weibo:

@牵手白头kx:#怀孕7月遭强制引产# 类似事情在三秦大地上发生的还少嘛?特别是前几年有计生人员大白天抢粮的,有牵人家耕牛的,还有抢家电.家具的。就跟电影里的日本鬼子进村一样。这就是具有中国特色的社会主义社会呀!

@牵手白头kx:Hindi na ito kakaiba sa Tsina. Ilang taon na ang nakakaraan, napabalita ang tahasang pagnanakaw ng mga opisyales ng kawanihan ng pagpaplano ng pamilya sa mga palay, kalabaw, muwebles at mga kasangkapang de-kuryente. Parang pelikula kung saaan sinasalakay ng mga sundalong Hapon ang mga baryo (noong Ikalawang Pandaigdigang Digmaan). Ganito ang sosyalismong Instik!

@中华飘:#怀孕7月遭强制引产#在强制引产的背后肯定有很多故事。这种用钱去买计划外胎儿的情况在广大的农村地区很常见。传统的传宗接代的观念给我们的政府和计生局的工作人员,我们的人民公仆带来了丰厚的无成本利润。

@中华飘:Maraming kuwento ang maririnig tungkol sa puwersahang pagpapalagpag. Sa mga kabukiran, sinasabing may kapalit na pera ang pagluluwal ng mga karadagdagang anak. Ang tradisyong Instik tungkol sa pagpapatuloy ng lahi at pangalan ay naging gatasan ng pera ng mga kawani ng pamahalaan sa pagpaplano ng pamilya.

@北京奔驰宝马配件商:#怀孕7月遭强制引产#及时给钱就能生,不给就就的死,拿钱买命,看来中国的计生委是管生死符的,是阎王殿。何况这些钱收到又跑到谁的腰包呢?现在知道中国贪官为何这么多了吧。如此恶劣的行径在中国处处皆是尤其是偏远乡村,中国的计划生育政策是对中国无人权的再次验证

@北京奔驰宝马配件商:Kung makakapagbayad ka sa binigay na oras, maaari mong isilang ang bata; kung hindi mamatay ang bata. Pera kapalit ng buhay. Ang kawanihan ang nagdidikta ng buhay at kamatayan; siya ang templo ng Diyos Yama. Nasaan ang pera? Ngayon alam niyo na kung bakit maraming corrupt sa pamahalaan. Talamak ang ganitong sistema, lalo na sa mga liblib na bayan, patunay lamang na hindi kinikilala ng Tsina ang mga karapatang pantao.

@岽鎏芝罘:#怀孕7月遭强制引产#从八十年代至今像这样残忍地杀害了多少无辜生命?多少家庭为此家破人亡?多少育龄妇女得乳腺癌、子宫癌、子宫肌瘤?多少怀孕妇女被强制打胎人流?多少官员借肆无忌惮滴机搜刮民财?杀人合法化案例历历在目,亿计的生命啊!历上最没有人性的政策!

@岽鎏芝罘:Mula nooong dekada 80 (simula ng one-child policy) hanggang ngayon, ilang inosenteng buhay na ba ang nawala? Ilang pamilya na ba ang nasira? Ilang kababaihan na ba ang nagkaroon ng kanser sa suso at matres? Ilang opisyales na ba ang nagsamantala sa pera ng ibang tao? Ito ay ligal na pagpatay sa milyung-milyong buhay, ang pinakamaruming patakaran sa kasaysayan.

@唯一__Single:#怀孕7月遭强制引产#不可原谅,计生委不是一次两次是经常干这种事情!可恶的是中国法律惩罚不了,难怪有钱的中国人都要去外国!

唯一__Single: Walang kapatawaran. Marami pang gaya nito. Madalas itong nangyayari ngunit hindi napaparusahan ng pamahalaang Tsina ang mga ganitong insidente. Kaya nagsisialisan ng bansa ang mga mayayaman.

Start the conversation

Authors, please log in »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.