See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Pilipinas: Gobyerno, Bigong Pigilan ang Pagsikat ng ‘Noynoying’

[Lahat ng link sa akdang ito ay magdadala sa iyo sa mga pahinang nasa wikang Ingles, maliban na lamang kung nakasaad.]

Kung dati nag-umpisa ang gimik na ‘noynoying’ bilang pamalit sa ‘planking’ na opisyal na ipinagbawal kamakailan sa Pilipinas, ngayon ang pausong paraan ng mga demonstrador ay naging popular sa buong Pilipinas. Bilang bagong pose sa mga kilos-protesta, ang ‘noynoying’ ay ang simpleng paupo-upo, paghiga sa sahig, pagtingin sa malayo, at ang pagtambay nang walang ginagawa.

Naimbento ng ilang aktibista sa Pilipinas ang paraang ‘Noynoying’ dahil nagpapakita ito umano ng kawalang aksyon ng Pangulong Noynoy Aquino sa mga problema gaya ng taas-presyo sa langis, sa matrikula at ibang bayarin sa paaralan, sa mga pangunahing serbisyo at bilihin, pati na ang lumalalang kahirapan, lumalaking agwat ng yaman, at iba pa.

Gobyerno hindi napigilan ang pagkalat ng Noynoying

Hindi naman umubra ang pagsisikap ng pamahalaan na pigilan ang pagsikat ng ‘Noynoying’. Mas lalo pa itong sumikat matapos maglabas ng mga litrato ang Malakanyang na pinapakitang ‘nagtatrabaho’ ang pangulo upang pasinungalingan ang ‘Noynoying’. Agad naman itong phinotoshop ng mga tao, inupload sa internet, at kumalat bilang mga meme.

Sa mga pinakabagong litrato ng ‘Noynoying’ sa internet, nakatabi ng pangulo ang mga opisyales ng Kagawaran ng Pagawaing Bayan at Lansangan (DPWH), na sumikat noong isang taon matapos inedit ng DPWH ang ilang litrato upang palabasin na ‘nagtatrabaho’ ang mga ito sa may seawall ng Manila Bay na winasak ng isang bagyo.

Narito ang ilang halimbawa ng noynoying na kumakalat sa internet:

Kahit sa Wikipedia, mababasa ang isang pahina patungkol sa ‘Noynoying’. Noon isang simpleng talata ang laman nito; ngayon isa na itong paglalagom tungkol sa pinanggalingan ng salita.

Pagsikat ng Noynoying

Mula sa palayaw ng presidente na Noynoy, tinangkilik ng mga Pilipino ang ‘Noynoying’ bilang pagpapakita ng kawalang aksyon sa gitna ng mga suliranin. Ilang Pilipinong netizen naman ang nagbigay ng kanilang kuru-kuro kung bakit naging sikat ang ‘Noynoying’.

Binuweltahan ng isang miyembro ng Gabinete ni Aquino ang Noynoying dahil ito raw ay isang gimik na “annoying” o nakaka-irita:

It is a sub-plot to a more prolonged campaign against the government by its political enemies. Because these people are having a hard time attacking government policies, they resort to ad hominem attacks on PNoy, stooping so low as to question his mental condition.

Isa itong patutsada ng mga kaaway ng gobyerno sa pulitika. Dahil hirap silang pintasan ang mga polisiya ng pamahalaan, ginamit nila ang pangalan ni PNoy upang kwestyunin ang kapasidad at kakayahan ng utak ng pangulo.

Sagot naman ng blogger na si Teo Marasigan [fil], hindi lang mga aktibista ang gumagamit ng Noynoying:

Pumatok ang Noynoying dahil sapul nito ang sentimyento sa pangulo ng mga mamamayan. Sa likod ng masasayang ngiti at masasarap na pangako ng pangulo, ramdam ang pagtindi ng hirap at gutom ng mga tao.

Paliwanag naman ni John Marcel Ragaza sa kanyang blog, hindi lang katauhan ng pangulo ang tinutumbok ng Noynoying:

Noynoying is a symbolic protest that goes beyond criticism of the president's character. The public and even Malacanang should not misconstrue Noynoying, and any act of creative protest for that matter, as a plain assault to person of Aquino. Rather, it is an insult directed at the kind of governance that is being espoused not only by Aquino but even by his predecessors, to the elite rule that has long dominated the country, to a leadership that sadly contributes to the suffering of marginalized Filipinos through the protection of elite interests. Noynoying is just a catchy verb, but it nevertheless pierces and offends because it is truthful.

Ang Noynoying ay isang simbolikong pagpoprotesta na higit pa sa pagpuna sa karakter ng pangulo. Hindi dapat maliin ng publiko at ng Malakanyang ang ibig sabihin ng Noynoying, o ng anumang malikhaing paraan ng pagpoprotesta. Bagkus ito ay nakatuon sa isang uri ng pamamahala na pinapatakbo ni Aquino at ng mga nauna sa kanya, kung saan naghahari-harian ang mga mayayaman, at patuloy na inaalipusta ang mga maralitang Pilipino upang mapangalagaan ang interes ng iilan. Ang Noynoying ay matunog, tagos sa puso at nakakasakit dahil ito ay totoo.

Sa huli, ang punto ng Noynoying ayon kay Like a Rolling Stone ay ang kapabayaan ng pamahalaang Aquino sa mga hinaing ng mga mamamayan:

It is Aquino and his officials who appear to be living in a different world, a place where there are only happy mall-goers, rosy stock market indices and busy construction sites that point to economic growth. In this world, oil prices are not a problem no matter how high they get. Poverty is just a state of mind and unemployment is fiction.

Be thankful Mr. President that today’s protests are still tinged with humor. There might come a time when there will only be anger over your government’s inaction.

Tila nasa ibang mundo si Aquino at ang kanyang mga opisyales, kung saan palaging masaya ang mga taong nasa mall, umaakyat ang presyo ng stock market, masiglang nagpapatayo ng mga gusali ang mga namumuhunan, at gumaganda ang ekonomiya. Sa mundong iyon hindi problema ang taas-presyo ng langis, ang kahirapan ay isang ilusyon, at ang kawalang trabaho ay kathang-isip lamang.

Dapat magpasalamat ang Pangulo dahil, kahit papaano, nagagawa pang magpatawa ng mga nagpoprotesta sa ngayon. Baka dumating ang panahon na poot at galit na lamang ang kanilang nararamdaman dahil sa pagsasawalang-kibo ng pamahalaan.

Inilista naman ng aktibistang lider ng mga kabataan na si Vencer Crisostomo ang kanyang mga mungkahi kay Pangulong Aquino upang tuluyang matigil ang pambabatikos ng Noynoying, sa halip na maglabas ng dagdag na mga litrato at tanggihan ang mga inaakusa sa kanya:

Stopping oil price hikes, implementing genuine land reform, significantly raising wages, imposing a moratorium on tuition and other school fee increases, ending impunity and human rights abuses, standing up against US intervention, and ending foreign plunder and mining of the country's natural resources, among many others.

Pigilan ang taas-presyo ng langis, ipatupad ang makatwirang reporma sa lupa, taasan ang pasahod, lagyan ng moratoriyum ang pag-akyat ng matrikula at iba pang bayarin sa mga paaralan, panagutin ang mga pang-aabuso sa karapatang pantao, ipagtanggol ang kasarinlan mula sa panghihimasok ng Estados Unidos, pigilan ang paghahakot at pagmimina ng mga dayuhan sa likas-yaman ng bansa, at marami pang iba.

Start the conversation

Authors, please log in »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.