Mga kwento noong Hunyo, 2012
Myanmar: Pagpoprotesta sa Kakapusan ng Koryente, Lumaganap
Dahil sa paulit-ulit at matagalang brownout sa ilang mga bayan sa Myanmar, mapayapang idinaos ng taumbayan ang mga kilos-protesta sa iba't ibang bahagi ng bansa. Dinakip at idinitine ang ilan sa mga lumahok sa pagtitipon, ngunit hindi pa rin nagpapigil ang mga residente at mga konsumer sa kanilang nararamdamang galit tungkol sa matinding kakapusan ng koryente. Humihingi sila ng paliwanag mula sa gobyerno kung bakit patuloy itong nagluluwas ng supply ng koryente sa Tsina sa kabila ng kakulangan ng elektrisidad sa loob ng bansa.
Pakistan: Isyu ng Pagpatay sa 5 Kababaihan sa Kohistan, Naging Masalimuot
Hatid ni Omair Alavi [en] ang panibagong ulat tungkol sa tahasang pagpatay o ang tinatawag na honor killing sa 5 kababaihan sa distrito ng Kohistan. Kinuwestiyon niya ang ginampanang papel ng media sa buong kontrobersiya.
Nepal: Mga Partido ng Oposisyon, Nagdaos ng Protesta sa Kathmandu
Ibinahagi ng isang taga-Nepal sa kanyang blog [en] ang mga kuhang litrato at bidyo sa ginanap na demonstrasyon noong ika-9 ng Hunyo sa siyudad ng Kathmandu. Dinaluhan ito ng mga kasapi ng 22 partido ng oposisyon.
Timog Korea: Suportado ang “Chemical Castration” Bilang Kaparusahan
Napagdesisyunan na ng sistemang panghukuman ng Timog Korea na ipatupad ang chemical castration bilang kaparusahan sa mga kriminal na ilang ulit na nanggahasa ng bata. Nagpahayag ng suporta ang karamihan sa mga Timog Koryano samantalang may ilan ding nagpahayag ng pagkadismaya sa kasalukuyang pagpapatupad ng batas na may kaugnayan sa mga nasabing krimen na inilalarawan bilang 'maluwag sa mga kriminal na may mga palusot.'
Bangladesh: Ipapagawang ‘Siyudad Panturismo’ ng Taga-Indiya, Kinukwestiyon
Naging pangunahing balita kamakailan ang pamumuhunan ng mga dayuhan sa bansang Bangladesh na nagkakahalaga ng 10 bilyong taka (US$120 milyon), matapos bumisita sa lugar si Subrata Roy Sahara, ang tagapangasiwa ng Sahara India Pariwar, isa sa mga pinakamalalaking negosyanteng grupo mula sa bansang Indiya. Balak ng grupo na magpatayo ng proyektong pabahay na may lawak na 40 kilometro kwadrado at may 50 kilometro ang layo mula sa Dhaka, kabisera ng Bangladesh.
Pamumuhay ng may HIV sa Kazakhstan
Sa Vox Populi, isang Kazakh blog ng iba't ibang litrato, isinilarawan ni Gulnar Bazhkenova sa kanyang marubdob na pagsasalaysay [ru] ang mga kuwento ng mga indibidwal sa Kazakhstan na may sakit na HIV/AIDS. Nais nilang ibahagi sa ibang tao ang pagkakaroon ng HIV upang “ipakita ang mensahe na sila ay...
Vietnam: Luntiang Espasyo sa Lungsod ng Ho Chi Minh, Naglalaho
Ikinalungkot ng manunulat sa blog na Backwater Views ang tungkol sa “matinding kakulangan ng luntiang espasyo” [en] sa siyudad ng Ho Chi Minh sa bansang Vietnam. Tinukoy ng may-akda na may 50 porsiyento ng kabuuang luntiang espasyo ang nabura sa mukha ng lungsod sa pagitan ng 1998 at 2008, ayon...
Tsina: Pagpapatawad sa May Sala sa Masaker sa Tiananmen?
May 180,000 katao ang lumahok sa pagsisindi ng kandila at vigil sa Hong Kong na ginaganap sa ika-4 ng Hunyo taun-taon, bilang paggunita sa serye ng mga protesta sa Liwasan ng Tiananmen noong 1989. Ayon naman sa dating lider ng mga kabataan na si Chai Ling, napatawad na niya ang mga nagkasala sa masaker sa Tiananmen. Agad namang inulan ng samu't saring reaksyon ang kanyang pahayag at sinimulan ang matinding debate.
Pilipinas, Tsina: Alitan sa Scarborough Shoal, Pinag-uusapan sa Internet
Umigting ang tensyon sa mga nakalipas na buwan sa pagitan ng Pilipinas at Tsina nang magpalitan ang dalawang pamahalaan ng mga paratang tungkol sa iligal na panghihimasok ng isa't isa sa mga yamang dagat sa paligid ng pinag-aagawang Scarborough Shoal. Umusbong ang damdaming makabayan ng mga mamamayan ng dalawang bansa at lalong tumindi sa internet ang sagutan ng magkabilang kampo.
Pilipinas: Mga Refugee, Dumadami Dahil sa Pambobomba ng Militar
Sa mga nakalipas na buwan, libu-libong residente ng Mindanao ang sapilitang itinataboy mula sa kani-kanilang pamayanan dahil sa pinag-igting na operasyon ng militar sa lugar. Naging mainit naman ang sagupaan sa pagitan ng militar at mga rebelde, na nagpapalala sa kasalukuyang sitwasyon. Ang mga residente dito ay tuluyang naging mga bakwit - o ang lokal na tawag sa mga refugee.
Indonesia: Bolyum ng Pagdadasal ng mga Moske, Dapat Bang Hinaan?
Ginagamit ng mga moske sa Indonesia limang beses kada araw ang mga loudspeaker upang manawagan sa publiko na magdasal kasabay ng "adzan". Kamakailan, hinimok ng Bise Presidente ng bansa na hinaan ang bolyum ng mga ito nang hindi makadistorbo sa ibang tao. Kasunod na umusbong ang makulay na palitan ng kuru-kuro tungkol sa isyu.
India: Sumali ang Kolkata sa “SlutWalk” Kilusan
Noong ika-24 ng Mayo, 2012, pinasinayaan ng Kolkata ang sariling bersyon ng kilusang SlutWalk, kung saan daan-daang binata at dalaga ang naglakad sa lansangan sa kabila ng matinding sikat ng araw. Sa internet, binigyang kulay ng mga netizen ang buong kaganapan sa pamamagitan ng mga talakayan, litrato at bidyo.
Pilipinas: Gobyerno, Bigong Pigilan ang Pagsikat ng ‘Noynoying’
Kung dati nag-umpisa ito bilang gimik na pumalit sa ipinagbawal na 'planking', ang 'noynoying' ay napakasikat na ngayon sa buong Pilipinas. Naglabas ng kani-kanilang kuru-kuro ang mga Pilipinong netizen kung paano at bakit sumikat ang paraang Noynoying, hindi lamang sa mga kilos-protesta, sa kabila ng patuloy na pagtanggi ng pamahalaan.
Ehipto: Mubarak, Habambuhay na Mabibilanggo
Sinubaybayan ng buong mundo ang paglilitis sa dating pangulo ng bansang Egypt na si Hosni Mubarak at kanyang Ministro ng Interyor na si Habib Al Adly, na parehong hinatulan ng habambuhay na pagkabilanggo dahil sa pagkamatay ng mga demonstrador noong 2011. Sabay na napanood ng mga mamamayan sa kani-kanilang telebisyon ang sesyon sa hukuman. Samu't saring opinyon ang kanilang ipinahayag sa internet.
Arhentina: Batas sa Pagkakakilanlan ng Kasarian, Inaprubahan ng Kongreso
Inaprubahan kamakailan sa kamara ng Arhentina ang batas sa pagkakakilanlan ng kasarian, kung saan pinapayagan ang pagpapalit ng pangalan at kasarian ng katawan nang hindi kinakailangan ng pahintulot ng korte. Magmula noong kumalat ang balita na ipinasa ng senado ang naturang batas, hindi napigilan ng mga tao sa iba't ibang social network ang maglabas ng saloobin.